Wakati teknolojia ya habari na mawasiliano (TEHAMA) ikizidi kuimarika na kuchukua nafasi ya njia kongwe za mawasiliano, fasihi ya Kiswahili nayo inajikuta kwenye changamoto ya kuakisi mabadiliko hayo ya kiwakati.
Dk. Aldin Mutembei wa Taasisi ya Taaluma za Kiswahili ya Chuo Kikuu cha Dar es Salaam (TATAKI) anazungumzia nafasi ya fasihi ya Kiswahili kwenye zama hizi mpya za mawasiliano, ambapo mitandao ya kijamii imekuwa jukwaa kubwa kabisa la mawasiliano.
Kwa mujibu wa Dk. Mutembei, fasihi ya Kiswahili haijapitwa na kasi ya teknolojia mpya na badala yake imekuwa ikienda sambamba na mageuzi kwenye jukwaa hili la mawasiliano. Hata hivyo, mtaalamu huyo wa fasihi anakiri kwamba kuna changamoto kadhaa ambazo wanafasihi wa Kiswahili wanapaswa kukabiliana nazo ili uasili wa fasihi ya Kiswahili isipotee.
Bonyeza hapa kumsikiliza mtaalamu huyu wa Kiswahili.
Mohammed Ghassani 